Այսօր 8 Հոկտեմբեր Մանկապարտէզի փոքրիկները Ս. Թարգմանչացը տօնեցին, մանկական աղմուկով եւ ստեղծագործ ոգիով:
Անահիտ Սարգիսեանի « բարեւ արեւի» շարքէն հետեւեալ երգախաղը երգեցին՝
ապա աղ ու ալիւր շաղեցին ու Մեսրոպեան գիրերը պատրաստեցին:
Անուններուն սկզբնատառը նախընտրեցին:
Վերջաւորութեան... ծառ, ծառ ի՞նչ ծառ ստեղծեցին:
Գունաւոր տառածառ մը ստեղծեցին:
Այբուբեն
Այբ Բեն Գիմ,
կարդալ գրել կը սորվիմ…
Դա Եչ Զա,
շա΄տ շուտ սորվեցայ…
Է Ըթ Թօ,
դուն կ’ըսես՝ ո΄չ,
ես կ’ըսեմ՝ այո΄…
Ժէ Ինի Լիւն,
շա՛տ դիւրին…
Խէ Ծա Կեն,
մտայ տակէն,
ելայ վրայէն…
Հօ Ձա Ղատ,
քառասո΄ւն խրատ…
Ճէ Մեն Յի,
ականջներուս օ΄ղ ըրի…
Նու Շա Ո,
ի՞նչ ընեմ յետոյ…
Չա Պէ Ջէ,
գիրք տետրակ գոցէ…
Ռա Սէ Վեւ,
որովհետեւ…
Տիւն Րէ Ցօ,
վերջ ի վերջոյ…
Ւիւն Փիւր Քէ,
զբօսանքի ժամն է…
Օ՛ Ֆէ΄…
վրա΄դ է… վազէ՛…
բռնէ΄… բարձր քա΄ր է…
Բարձր քարէն
բարձրաձայն,
Այբէն Օ Ֆէ,
արտասանէ΄…
.jpg)
Δεν υπάρχουν σχόλια:
Δημοσίευση σχολίου